اجمد نكت مضحكة قصيرة جدا
نكت مضحكة قصيرة
النكتة هي كلمة عامية تُقال بغرض المرح والضحك، وتكون نكت مضحكة قصيرة تملأ المكان كله بهجة، وتؤثر النُكت في نفسية الشخص بشكل كبير حيث تقي من الاكتئاب وتقوي عضلات القلب.
وهي عبارة عن فن قديم يهدف لإضحاك الناس وتكون متنوعة وتشمل السخرية من الغباء أو الكوميديا السوداء وللضحك على الأحداث والمصائب، كما يستخدمها المصريين للتخفيف من حدة المشاكل بالنكت عليها.
نكت مضحكة قصيرة
تعتبر النكت من الأمور التي تهون على الإنسان، فهي موجودة على مر الزمان، ومن خلال موقع محيط سوف يتم ذكر مجموعة من النكت والمضحكة ومنها:
- واحد بيتقدم لواحدة أبوها طلب منه مهر بـ 50 ألف جنيه، قالوا ليه يا عم الحاج هو أنت حسبت الكيلو بكام.
- واحد نام على السرير بالمقلوب، صحي الصبح لقي رجليه معمصة.
- الحمار في فرح أسد فقال له الأسد بس أنا معزمتش حمير أيه اللي جابك فرحى، قاله أنا كنت زيك أسد ولما أتجوزت بقيت حمار.
- مره نمر كان بيجري ورا عربية عشان يعاكس النمرة.
- كان فيه مرة سلحفاة دخلت مطعم وطلبت رز، قام الجرسون شلها رماها بره، رجعتله بعد شهر وقالته طب متزقش بس.
- واحد رخم نزل الشارع ملقاش حد يرخم عليه قام وقف قدام العمود وقاله عديني.
- مره واحد كان بيتفرج على مقطع ساخن أتلسع.
- عشر صعايدة كانوا بيحششوا البوليس كبس عليهم خمسة منهم اتمسكوا وخمسة استخبوا فى عربية البوكس.
- مرة واحد بلع فوطة ريقه نشف.
- واحد صعيدي حب واحدة، راح أتجوز أختها عشان يضمن يشوفها كل يوم.
اقرأ ايضا: اجمل 100+ نكت مضحكة جدا 2024 مع صور واشياء تضحك
أجدد نكت مضحكة قصيرة
- سألوا واحد محشش مين أهم الشمس ولا القمر رد القمر طبعًا، بيطلع ينور لنا بالليل والدنيا ضلمة، إنما الشمس بتطلع بالنهار والدنيا نور أصلاً.
- اتنين مساطيل حبوا يسرقوا عمارة فقالوا لبعض إحنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا أوى.
- محشش يسأل محشش تتوقع الجمعة يوافق آخر الشهر؟ رد عليه لو ضغطنا عليه يمكن يوافق.
- واحد ومراته متخانقين فبطلوا يكلموا بعض فكتب ورقة صحيني الساعة 6:30 علشان عندي شغل، وحط الورق على السرير ونام صحي الساعة 10:00 فلقى ورقة مكتوب عليها الساعة 6:30 يلا اصحى.
- واحد غبي قال لابن عمه أمريكا طلعت القمر وإحنا لازم نطلع الشمس، فرد عليه بس الشمس حر جدًا، قالتله مفيش مشكلة نطلعها بالليل.
- واحدة صعيدية جوزها رماها من الدور الثالث طلعتله وقالتله بلاش الهزار البايخ ده.
- مسطول أتجوز صينية قالتله مالك ساكت ليه؟ قالها مش عارف افتكرتك نايمة.
- واحد خبطته عربية فأخد تعويض 1000.000جنيه وقام واقف على سكة القطر وفاتح درعاته وقايل تعالالي يا أبو الملايين.
- واحد بيستهبل أتجوز واحدة بتستهبل، خلفو واد لما خرج عمل فيها ميت.
أروع نكت مضحكة قصيرة
- كسلان دخل الامتحان وقع منه القلم سلم الورقة.
- واحد رجع في كلامه خبط اللي وراه.
- واحد خلقه ضاق أعطاه لأخوه الصغير.
- مرة مدرس رياضيات خلف ولدين واستنتج التالت.
- ولد بيسأل أبوه هي الحمير بتتجوز؟ قاله يا بني مبيتجوزش أصلاً غير الحمير.
- مرة واحدة ست كل أما تقوم من النوم تلاقي وشها مبلول راحت للدكتور قالها أفضلي صاحية لحد أما تصحى و تشوفي وهى كانت نائمة شافت جوزها بيتفرج على التليفزيون ويقول هى دي الستات مش انتِ اتفوه.
- ولد بيسأل أبوه هو الحب أعمى رد عليه أبوه بص في وش أمك وأنت تعرف.
- مرة القمر كان عايز يتجوز الشمس قالتله أتجوز واحد صايع طول الليل.
أجمد نكت مضحكة قصيرة
- واحد مشغول أتجوز واحدة مشغولة خلفوا عيل مش فاضيلهم.
- واحد عايز يخلص حقه وهو على فراش الموت قال لمراته إذا مت أتجوزي جارنا محمود قلت ليه قالها لأنه مره باعلي بضاعة وغشني فيها.
- واحدة وحشة أوي بتقول لجوزها يا راجل مش تصلح شباك الحمام علشان وأنا بستحمه الجيران مايشوفونيش، قالها خليهم يشوفوكي علشان يصلحوه على حسابهم.
- مرة واحد خلف 7عيال سمى نفسه سفن اب.
- مرة واحدة قاعدة مع جوزها في جو رومانسى فالست قالت لجوزها قولي كلمة حلوة قالها بقلاوة قالت له لا كلمة تهزني قال لها مرجيحة قالت لا كلمة تحسسني إني مراتك قال لها أنتي طالق.
- محشش سأل صاحبه المحشش إيه اخبار أبوك؟ بعدين افتكر أن أبوه ميت فكمل بسرعة لسه في نفس التربة؟.
- واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورًا، راح عمل كده بعد أسبوع صاحبه بيسأله بعت العربية ولا لأ، قاله انت عبيط حد يبيع عربية مرسيدس.
نكت مضحكة قصيرة 2024
- ناظر بيقول للأستاذ هو لي كل التلاميذ عندك بينطقوا الجيم دال؟؟ قاله مش عارف هو دا اللي مدنني.
- مرة واحد محشش راح مستشفى المجانين ورسم على الحيط عربية، واتنين مجانين قعدوا يتخانقوا على اللي يسوق فضحك المحشش، وسأله الدكتور بتضحك ليه؟ قالوا المفتاح معايا.
- غبي وقع أدوله مرهم وقالوله ادهن مكان الإصابة راح دهن السلم.
- مره واحد بخيل راح يزور أمه في المستشفى لقى لوحة على الباب مكتوب عليها إدفع قام قايل ربنا يشفيها هبقى أشوفها أما ترجع البيت بقى.
- واحد شايل كيس سمك، لقى واحد مسطول قاله لو حزرت في الكيس دا إيه هديك سمكة منه قاله بحر.
- مسطول راح لدكتور سنان، قاله الدكتور سنانك عاوزة تقويم، قاله المسطول بسيطة بس قلي هجري ولا ميلادي يا دكتور.
إقرأ أيضًا: نكت و صور مضحكة جدا واشياء تضحك
أجمل نكت مضحكة قصيرة
- اتنين بلديتنا بيلعبوا شطرنج واحد بيقولوا أنا موت ليك الحصان، قام التاني راح سم له البهايم.
- مرة واحدة ست سايقة على الجي بي اس قالها انحرفي قليلاً فقلعت الطرحة.
- مرة واحد بخيل قوي جاب تليفون جديد حطه في جيبه اللي ورا، ونسي وقعد على كرسي، راح سامع صوت حاجة بتكسر، قال يارب يبقى العمود الفقري.
- واحد صعيدي بيقول لصاحبه أنا بالي مشغول من امبارح، قاله أكيد فيه حد رافع السماعة.
- بلديتنا اشترى موبايل سامسونج راح بعت رسالة لخطيبته، متتصليش على النوكيا علشان بيعته.
- ﻣﺤﺸﺶ ﺣﺐ يعمل ﺗﺠﺮﺑـة زي ﺍﻟﻌﻠﻤﺎﺀ ﺟﺎﺏ ﺣﻤﺎﻣة ﻭ ﻗﺎﻟﻬﺎ ﻫﺶ ﻃﺎﺭﺕ، ﺍﻟﻴﻮﻡ ﺍﻟﺜﺎﻧﻲ ﺟﺎﺏ ﺣﻤﺎﻣﻪ ﻗﺺ ﺭﻳﺸﻬﺎ ﻭ ﻗﺎﻟﻬﺎ ﻫﺶ ﻫﺶ ﻫﺶ مطارتش ﻛﺘﺐ ﻣﻼﺣﻈﺔ ﻋﻨﺪﻣﺎ ﻧﻘﺺ ﺭﻳﺶ ﺍﻟﺤﻤﺎﻣﺔ ﻓﺄﻧﻬﺎ ﻻ ﺗﺴﻤﻊ.
- مره ولد بيقول لأبوه أنا عايز أكمل دراستي بره رد أبوه وقاله خلي أمك تفرش لك في الصالة.
نكت مضحكة طويلة
بعد أن تعرفنا على مجموعة من نكت مضحكة قصيرة إليكم مجموعة من النكت الطويلة، ومنها:
حسني مبارك في مرة سأل ملكة إنجلترا انتوا إزاى بتختاروا رئيس وزراء ذكي قالت له بسيطة سترى الآن فنادت على تونى بلير وسألته سؤال ابن أمك وأبوك ومش أخوك يبقى مين؟ فقال يبقى أنا فبصت لحسني وقالت له شفت فقد أجاب بذكاء فرجع حسني لمصر منبهر فنادى على نظيف وسأله ابن أمك وأبوك ومش أخوك يبقى مين؟ فطلب نظيف وقت للإجابة اداله فرصة ثم عمل نظيف اجتماع وزاري وسألهم نفس السؤال محدش رد إلا حبيب العادلي وقال يبقى أنا يافندم فقال له نظيف هل أنت متأكد من الإجابة فقال له نعم متأكد فراح لحسني وقال له الإجابة يافندم يبقى حبيب العادلي فرد حسني وقال له أنت غبي غبي غبي الإجابة هى تونى بلير ياغبي.
صعيدى اشترى مراية، الصبح مراته بصت في المراية وقعدت تعيط وراحت للعمدة وقالتله جوزى اتجوز عليا قالها طب تعالي نروح نتأكد وراح العمدة بص فى المراية قالها ده كمان جاب عمدة تاني غيري.
واحد قبل ما يموت جمع ولاده التلاتة وحب يوصيهم يفضلوا إيد واحدة، وأعطى لأبنه الكبير عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم.
ثلاثة مساطيل قاعدين في سهرة الأول قال أنا عندي فلوس أشتري بيها أمريكا الشمالية، الثاني قال وأنا عندي فلوس أشتري بيها أمريكا الشمالية و الجنوبية، قام الثالث قالهم مين قالكم إني رح أبيع.
مشكورين